Жаңалықтарды Telegram арнамыздан оқыңыз!Бүгін Астанадағы Ұлттық музейде Сауд Арабиясының королі болған Фейсал ибн Абдул-Азиз Әл-Саудтың өмірінен сыр шертетін көрме ашылды. Король Фейсал бірнеше саяси және экономикалық реформаларды жүзеге асырып, Сауд қоғамының жан-жақты дамуына ықпал еткен тұлға. 1964-1975 жылдары ел билеген ол бірнеше заң қабылдап, елде жоспарлау жүйесін енгізді. Бұл жүйе сауд халқының игілігіне күні бүгінге дейін қызмет етіп келеді. Сондай-ақ, қасиетті Қағбаны орауға арналған қисуа матасын шығаратын цехты ашқан да король Фейсал болатын. Көрмеден осы цехта тігілген ең алғашқы қисуаны таба аласыз. Бұдан бөлек, саяси тұлғаның өзі тұтынған жеке заттары, төсбелгілері, қарулары және құжаттары қойылған.
Шынар АСАНҚЫЗЫ
