Қазақстан тұрмыстық зорлық-зомбылыққа қарсы күрес бойынша Орталық Азияда көш бастап келеді

Қазақстан көпұлтты әрі көпконфессиялы мемлекет болғандықтан бейбітшілік, толеранттылық және кемсітушілікке жол бермеу саясатын ұстанады. Ислам ынтымақтастық ұйымы Әйелдерді дамыту ұйымының атқарушы директоры, доктор Афнан әл-Шуайбимен кездескен Мәдениет және ақпарат министрі Аида Балаева осылай деді. Ведомство басшысы Президент жанындағы Әйелдер істері және отбасылық-демографиялық саясат жөніндегі ұлттық комиссияның қызметіне, сондай-ақ отбасылық және гендерлік саясатты зерттеу орталығының жұмысына тоқталды.

Ал доктор Афнан әл-Шуайби еліміздің тұрмыстық зорлық-зомбылыққа қарсы атқарып жатқан жұмыстарына назар аударды. Орталық Азия елдері арасында Қазақстан осы бағытта көшбасшы орынға ие екенін атап өтті.