Автосалондар клиенттеріне 168 млн теңге қайтарып берген

Көліктердегі ақаулар үшін автосалондар клиенттеріне 168 миллион теңге қаражатты қайтарып берген. Бұл туралы Сауда және интеграция министрлігіне қарасты Тұтынушылардың құқықтарын қорғау комитетінің төрағасы хабарлады. Асқар Тынысбековтың сөзінше, қазір тұтынушылар өз құқықтарын қорғауда белсенділік танытып келеді. Солардың біразы жыл басынан бері автокөліктердің сапасына шағым түсірген. Нәтижесінде автодиллерлер клиенттеріне ақшасының біразын қайтарып берген. Мұндай жағдайлар әсіресе, Атырау, Ақмола, Қостанай, Қызылорда, Астана, Алматы мен Шығыс Қазақстан облыстарында тіркелген.

Досжан Маратұлы