Енді дрондарды ұшырудың жаңа ережесі күшіне енеді - «Qazaqstan» Ұлттық телеарнасы

Енді дрондарды ұшырудың жаңа ережесі күшіне енеді

02.04.2024
0:00:00
0:00:00

Енді дронның кез-келген түрі есепке қойылады. Бұған дейін салмағы 250 граммға дейінгі пилотсыз ұшу құралдары есепке алынбайтын. Қазақстанның авиациялық әкімшілігі бұған тұрғындардың жеке өмірінің қауіпсіздігі үшін барғандарын айтады. Жаңа заңға сай дрон қолданушылары елді мекендердер мен аэродромдардан алыс аумақтарды рұқсатсыз түсіре алады.

Ал, қалалар мен ерекше қорғалатын аймақтарды түсіру үшін Ұлттық қауіпсіздік комитеті, Мемлекеттік күзет қызметі, аймақтық әуе қоғалыс бақылау орталығы сынды бірнеше мекемеден рұқсат алу керек. Ережеге бағынбағандар әкімшілік жауапкершілікке тартылады.

Владимир Кошманов, Қазақстанның авиациялық әкімшілігінің ұшқышсыз авиациялық жүйелері департаментінің директоры:

Бұл өзгерістер былтыр қабылданған. 2023 жылдың соңында күшіне енді. Дегенмен, жаңа ережелерден көпшілік бейхабар. Айта кету керек егер сіз елдімекендерден алыс аумақтарды түсіргіңіз келсе және дроныңыздың салмағы 1,5 келіден аспаса ешкімнен рұқсат алудың қажеті жоқ. Ал, қалаларды, тыйым салынған аумақтарды түсіру үшін арнайы лицензия керек. Жаңа заңмен Қазақстанның авиациялық әкімшілігінің ресми сайтында немесе Телеграм желісіндегі «Дроны Казахстана» арнасында таныса аласыздар.

Нұрсұлтан Тілектес

Хабарламаларға жазылу