Бас прокуратура: экс-министр Е.Тұрғымбаевтан жауап алынды

Бас прокуратура бұрынғы ішкі істер министрі Ерлан Тұрғымбаевтың ісіне қатысты мәлімдеме жасады. Құзырлы орган, қаңтар оқиғасы кезінде азаптау ісі мен күш құрылымдарының жүйесіз жұмысына қатысты тергеу жұмыстарының жалғасып жатқанын хабарлайды. Бүгінде облыстық полиция және ұлттық қауіпсіздік органдарының бірқатар басшылары мен қызметкерлері сотталған. Ал Ішкі істер министрі болған Ерлан Тұрғымбаевтан жауап алынған, - деп хабарлайды Бас прокуратура. «Бұдан бөлек, қызметтік атыс қаруын ұрлау фактілері бойынша Талдықорған қаласы полиция басқармасының бұрынғы басшылығына қатысты тергеп-тексеру жалғасуда. Оның нәтижесі азаматтардың құқықтары мен заңды мүдделерін сақтай отырып, жұртшылыққа жеткізіледі», - делінген хабарламада.