Жаңалықтарды Telegram арнамыздан оқыңыз!Еліміздің Әскери теңіз күштері Каспий теңізінде жауынгерлік дайындықтарын пысықтады.
Бірлескен оқу-жаттығуға шекара флотының жауынгерлік кемелері мен майдан авиациясы қатысуда. Жоспар бойынша минно-траль кемелері мен зымыранды-артиллериялық корабльдер теңіз арқылы келген қауіптің көзін жойды. Содан соң, әуе нысандарына оқ жаудырып, машықтанды. Жаттығудың келесі кезеңінде теңіз әскерлері су көлігінің қозғалтқыш тұрған бөлігінде өрт сөндіріп, жараланғандарды құтқарып, кәсіби шеберліктерін шыңдады.
Нұрбек Талғатұлы, «Маңғыстау» зымыранды-артиллериялық кеме командирінің көмекшісі:
Түнгі және күндізгі атыс жаттығулары өткізілді. Атыс жаттығулар мақсатында қауіпсіздік ережелері бұзылған жоқ және де жеке құрам өзінің біліктілігін арттырды. Алға қойылған мақсаттар толықтай орындалды. Және алдыңғы уақытта біздің әскери теңіз күштері бұдан да үлкен жаттығуға қатысып, өз шеберлігімізді шыңдаймыз деген үміттемін.
Аягөз Оралбайқызы
