Әскери жаттығулар: Мезгілсіз мерт болған сарбаздар

Жалпы, әскери жаттығу кезінде сарбаздардың оқыстан мерт болу оқиғалары тек бұл ғана емес. Мысалы, 2015 жылы қыркүйек айында Каспий теңізі жағасындағы оқу-жаттығу кезінде 4 сарбаз мерт болды. Ауыр техникамен теңізге батқан сарбаздар оқ өткізбейтін ауыр сауыттарын шешіп үлгермей, суға тұншығып өлген еді.

2011 жылы ақпан айында Жамбыл облысы Мәтібұлақ полигонындағы оқу-жаттығу кезінде мина жарылысынан 2 жауынгер мерт болды. Техникалық қауіпсіздіктің дұрыс сақталмауы салдарынан, 2013 жылы қаңтар айында Алматы облысындағы әскери бөлімдердің бірінде 19 жастағы Өмірсерік Дүйсенбаев жаттығу кезінде шынжыр табанды ауыр техниканың астына түсіп көз жұмды.