Жаңалықтарды Telegram арнамыздан оқыңыз!Ұлыбританияда қызылша өршіп тұр. Жұқпалы аурумен ауырғандар былтырмен салыстырғанда екі есе артқан. Сарапшылардың пікірінше, инфекцияны ауыздықтау қиынға түсуі мүмкін. Себебі елде қызылшаға қарсы вакцина салдырмағандар көп. Лондонда 5 жасқа дейінгі балалардың 75 пайызы ғана екі вакцина алған, ал тұтас ел бойынша бұл көрсеткіш 85 пайыз. Дүниежүзілік денсаулық сақтау ұйымы сарапшыларының пікірінше, ұжымдық иммунитетті қалыптастыру және аурудың өршуіне жол бермеу үшін вакцинация деңгейі 95 пайызға жетуі керек.
Марина Бекенова
