Ботақарада жарылыстан кейін құтқару жұмыстары аяқталды

Қарағанды облысы төтенше жағдайлар департаменті жарылыс салдарынан қираған үй орнында құтқарушылар жұмысты аяқтағанын хабарлады. Төтенше жағдай кезінде үйде 35 адам болған. Екі адам қайтыс болды, бесеуі, оның ішінде үш бала жарақат алды. Олар жергілікті ауруханаға жеткізілді. Ғимараттың шатыры толығымен опырылып, жарылыс болған №7 пәтер қираған. Екінші қабаттағы үш және бірінші қабаттағы екі пәтер де зардап шекті. Оқиға орнында жедел штаб құрылды. Құтқару іздеу жұмыстарына 32 техника жұмылдырылған.  

Торғын Мелісқызы