Жаңалықтарды Telegram арнамыздан оқыңыз!Австралия чемпионатында Александр Бублик жарыс жолынан шығып қалды. Еліміздің ерлер арасындағы бірінші ракеткасы үндістандық теннисші Сумит Нагалмен кездесті. Жекелей сындағы бірінші айналымда Александр Бублик қарсыласынан 4:6, 2:6 және 6:7 есебімен жеңілді. Айта кету керек, қарсыластар бұрын-соңды кездеспеген. Мельбурнда өткен матч 2 сағат 38 минутқа созылды. Бублик 13 эйс, тоғыз қос қателік жасады. Алайда жеті брейк-пойнттың үшеуін сәтті пайдаланды. Есесіне Елена Рыбакинаның асығы алшысынан түсті. Ол доданың алғашқы айналымында әлемнің бұрынғы бірінші ракетакасы Каролина Плишкованы жеңді. Чех теннисшісі бірінші партияда брейк жасап, 2:0 есебімен алға шыққанымен, Рыбакина таразы басын теңестіре алды. Тай-брейкте Рыбакина 3:6 есебімен жеңіліп келе жатып, қатарынан 5 допты тиімді пайдаланып, 8:6 есебімен басым түсті. Қорытынды есеп -- 6:4. Енді Қазақстанның үздік теннисшісі екінші айналымда әлемнің 57-ракеткасы, ресейлік Анна Блинковамен кездеседі.
