Басты Жаңалықтар Экологиялық саммит ғылым мен бизнесті біріктіреді

Экологиялық саммит ғылым мен бизнесті біріктіреді

21.04.2026 20:05

Өңірлік экологиялық саммит ғылыми мекемелер мен іскерлік қауымдастық арасындағы байланысты нығайтуға бағытталған. Іс-шара аясында 30-ға жуық меморандумға қол қою жоспарланып отыр. Бұл қазіргі уақытта өте қажет әрі маңызды жиын, - дейді мамандар. Өйткені Орталық Азия өзге елдермен салыстырғанда жаһандық жылынудан едәуір зардап шегіп жатыр. Су көздерінің сарқылып, көлдердің таязданып жатқаны соның бір айғағы. Ал бұл бас қосу осы өзекті мәселелерді бірге шешуге шақырады.

Ерғұлан Дүйсекеев, эколог:

Мәселе өте көп. Ол судың мәселесі. Айта кететін болсақ, мысалы Арал теңізі, Каспий теңізі, сондықтан менің ойымша қоршаған ортаны жалпы қалай басқара аламыз, қалай біз сақтай аламыз және қалай қалпына келтіре аламыз деген сондай үлкен мәселелер көтерілетін болады.

Ауқымды халықаралық іс-шара Біріккен Ұлттар Ұйымының қолдауымен Қазақстанда алғаш рет ұйымдастырылмақ. Жиынға Орталық Азия елдерінің Мемлекет басшылары мен ғылыми қауымдастық өкілдері, сондай-ақ 20 мыңнан астам қатысушы келеді.Сондай-ақ қоршаған ортаны қорғау ісіне жаңа инновацияларды енгізу тақырыбында көрме ұйымдастыралады.

Жансұлу Садықова, ұйымдастырушы:

Көрменің аумағында 247-ге жуық компания бар дедім, олардың басым бөлігі осы компаниялардың стратегиясын таныстырады. Мысалы өнеркәсіптер бар иә. Табиғатқа, қоршаған ортаға қандайда бір зиянды заттарды бөлетін. Осы көрмеде солар зиянды заттарды бөлмес үшін қандай ең үздік технологияларды енгізіп жатыр, нөлдік зиянмен жұмыс жасап жатыр, сол өзінің үздік жобаларын көрсететін болады.

Автор

Ернұр Медет

Бөлісу