Түркістан облысындағы жаңадан салынған мектепте мыңнан аса бала білім алады

Түркістан облысындағы білім ұялары жаңа мектеппен толықты. Ордабасы ауданының Шұбарсу ауылында бұған дейін балалар үш аусымда оқып келсе, енді жеткіншектер жаңа мектепте білім алатын болды. Жеке инвестор есебінен салынған білім ошағында заманауи оқу кабинеттері мен асхана, спорт залы және кітапхана бар. 1350 орындық мектеп арнайы пән кабинеттерімен жабдықталып, оқушылардың сапалы білім алуына барлық жағдайлар жасалған. Айта кетейік, бүгінгі таңда облыстағы жекеменшік 133 мектепте 34 мыңнан аса оқушы білім алуда. Қысқа уақыттың ішінде өңірдегі жекеменшік мектептер желісінің артуы – мектеп тапшылығын қысқартуға үлкен үлесін қосуда.

Айнұр Әбілқасымқызы