Сырым Шәріпханов: Шыңырауға құлаған автобусты шығару оңайға соқпайды

«Майқайың-Алтын» кенішіндегі шыңырауға құлаған автобусты жер бетіне шығару оңайға соқпайды. Төтенше жағдайлар министрі осылай деді. Оның айтуынша, автобус одан да төмен құлауы мүмкін. Маңайындағы жердің де опырылып түсу қаупі бар. Сондықтан барынша абай болу қажет. Жалпы, қазақстандық құтқарушылардың тәжірибесінде мұндай күрделі жағдай бұрын болмаған. Қазір шетелдік мамандардың тәсілі де зерттеліп жатыр. Осындай себептерге байланысты автобусты жер бетіне шығару уақытын дәл айту да мүмкін емес, - деді Сырым Шәріпханов.

Болат Аманбаев