Вайнерлер ісі: Бішкекте қазақстандық ұсталды

Бішкекте қаржы пирамидасын құрғаны үшін іздеуде жүрген қазақстандық ұсталды. Бұған дейін ол басқа сыбайластары қамалғанда қашып кеткен. Компанияға салымшылардың бірнеше миллиард теңгесін заңсыз талан-таражға салды деген айып тағылған. Ақшаны көбейту мақсатында қаржы пирамидаларының қызметіне танымал блогерлер де тартылған. Айта кетейік, 2023 жылдың маусымында Алмалы аудандық соты танымал вайнерлер Мейіржан Төребаев пен Мейірхан Шерниязовқа «Mudarabah Capital» қаржы пирамидасы туралы іс бойынша үкім шығарды. Екеуі де бес жылға бас бостандықтарынан айырылған болатын. Сот жәбірленушілердің 2 млрд-қа жуық теңгесін қайтарып беруге ықпал етті.

Қуан Нұрақын