Australian Open: Елена Рыбакина жеңісті жолын жалғастыра ала ма?

Ертең үлкен дулыға додасы – «Австралия Опен» басталады. Онда әлемнің төртінші ракеткасы, қазақстандық Елена Рыбакина бақ сынап, жеңісті жолын жалғастырады деген үміт бар. Күні кеше осы елде Елена Рыбакина әлемнің екінші ракеткасын айқын басымдықпен жеңіп, Брисбендегі турнирдің чемпионы атанған еді.

Австралияда өткен WTA 500 сериясы турнирінің финалында қазақстандық теннисші Беларусь өкілі Арина Соболенкодан айласын асырды. 1 сағат 10 минутқа созылған матчта Елена Рыбакина 7 эйс жасап, 7 брейк-пойнттың бесеуін пайдалана білді. Отандасымызды жеңісімен мемлекет басшысы Қасым-Жомарт Тоқаев құттықтады.