Жаңалықтарды Telegram арнамыздан оқыңыз!Ақмола облысында банкке заңсыз кепілдікке қойылған жүздеген тұрғынның 9 мың гектарға жуық жері қайтарылып берілді. Кезінде бұл жер телімдерін біріктіріп алған серіктестік халықтың келісімінсіз оны жылдар бойы қаржы ұйымына кепілдікке қойып, қарызын төлемей келген. Мұны үлескерлер шаруашылықтың құрамынан шықпақ болғанда бірақ білген. Кейін жерлерін даулап, бірнеше жыл қатарынан жергілікті кәсіпкермен соттасқан. Құзырлы органдардың бірнеше мәрте табалдырығын тоздырған. Мәселе «Amanat» партиясының көмегімен шешілді.
Жігер Тілеужанов Бірлестік ауылының тұрғыны:
Бізге құқықтық көмек көрсетті. Құқықтық көмек көрсету арқылы бізге дұрыс бағыт берді. Қалай жолдарын шешу керек және өздері консультация беріп, бізге көмек жасады. Біз жерімізді толығымен алып шықтық. Қолымызға документтерді, барлығын алдық.
