Қарағанды облысында жолда қалғандар құтқарылды

Қарағанды облысында да кеше қатты боран соғып жолдар жабылған болатын. Алайда патрульдік полиция бекеттерді жапқанша автобанға шығып кеткен жолаушылар да болды. Ат құлағы көрінбейтін боранда 7 көлік соқтығысқан. Зардап шеккендер жоқ. Ал Қарағандыдан Теміртауға бағыт алған 700 көлік полиция және төтенше жағдай қызметкерлерінің көмегімен діттеген жерлеріне жеткізілді. Жол бойында қалған 40 жолаушы құтқарылған. Олардың үшеуі бала. Бұл күні волонтерлер де жол талғамайтын көліктерімен жол жиегіне шығып кеткен және қарға батып қалған автомобильдерге көмек көрсетті.

Руслан Нұрланұлы