Бельгиялық отбасы асырап алған Жәнібектің биологиялық анасы болуы мүмкін деген әйелдің генетикалық сынамалары сәйкес келмеді

ДНҚ сараптамасының қорытындысы шықты. Бельгиялық отбасы асырап алған Жәнібектің биологиялық анасы болуы мүмкін деген әйелдің генетикалық сынамалары сәйкес келмеді. «Бармысың, бауырым?» бағдарламасының зерттеу ұжымы бұл жұмбақты шешкен сайын, түйіншегі керісінше тастай түйіліп бара жатқанын айтады. Себебі ДНҚ сараптамасын тапсырған болжамды ананың жазу үлгісі, 2002 жылы әйелдің қолхатындағы жазумен сәйкес келіп тұр. Мұны ресми сараптама қорытындысы да дәлелдеп берген. Алайда ДНҚ тест жасайтын лаборатория нәтижесі, болжамды ана Жәнібектің биологиялық шешесі емес екенін көрсеткен. Зерттеу ұжымы бұл жерде бір емес, бірнеше шикілік бар дейді.

Қымбат Досжан, «Бармысың, Бауырым?» бағдарламасының жүргізушісі:

Бұл менің ең бірінші зерттеу оқиғаларының бастаған кездегі күдігім расқа айнала ма деп қорқам. Бұл баланың мүмкін ауысуы. Меніңше егер Жәнібек, Жәнібек емес басқа біреудің баласы болса. Жазираның баласы қайда? Сол кезде баланың ауысуына қатысы бар адамдардың жасаған ең үлкен қылмысы. Бұл менің әзірге күдік ойым.