Ақын Шөмішбай Сариевтың «Ақынның Қыдыр атамен сыр-сұхбаты» атты кітабы жарық көрді

Бұл – қара сөз шеберінің әдеттегідей поэзия әлемінде сыр тербеген туындысы емес, ақынның Қыдыр ата атанып кеткен көріпкел-емші Жанарыс Еңсеповпен болған сұхбатының жазба нұсқасы.

Сұхбатта тек Қыдыр Атаның емшілік, көріпкелдік қасиеті ғана емес, оның еліне, ұлтына деген сүйіспеншілігі суреттелген. Бойына дарыған тылсым күшінің арқасында қазір ол мыңдаған науқас адамды аяғына тұрғызған. Дертіне дауа таппаған, өмірден баз кешіп кеткен жандар, өмірінің соңғы сәттерінде Қыдыр атадан көмек алып жатыр. Ақынды тебіренткен де сол. Осыдан кейін Шөмішбай Сариев емші мен ақынның жүрегін сабақтастыра отырып кітап жазуды жөн көріпті.

Сәуле АЛДАМҰРАТҚЫЗЫ