Табыс әкелетін кәсібі бар азаматтардың барлығы жеке кәсіпкер ретінде тіркелуге міндеттеледі

Бірінші қаңтардан бастап, табыс әкелетін кәсібі бар азаматтардың барлығы жеке кәсіпкер ретінде тіркелуге міндеттеледі. Мұны мемлекеттік кірістер комитеті өкілдері мәлімдеді. 2019 жылдан бері табысы 4 млн теңгеден аспайтындар мемлекетке салық емес бірыңғай жиынтық төлем төлеп келген. Бұл жеңілдік 31 желтоқсан күні аяқталады. Содан кейін 280 мыңнан астам кәсіпкер бизнесін рәсімдеуі тиіс. Олар болашақта өздеріне ыңғайлы салық тарифін таңдап, бюджетке табысының бір бөлігін аударып тұрады.

 Назгүл Шәкірбекова, ҚР ҚМ Мемлекеттік кірістер комитетінің бас сарапшысы:

Ең ыңғайлы арнаулы салық режимі ол мобильді қосымшаны пайдаланатын арнаулы салық режимі. Бұл режимда салық мөлшерлемесі 1 пайызды ғана құрайды. Дара кәсіпкер салық нысанын тапсырмайды. Және мобильді қосымша өзі дара кәсіпкер үшін салықтарды есептейді.

Оңғар Алпысбай