Бет қарыған суықта өрт сөндірушілер жұмысын мүлтіксіз орындап жатыр

Сарышұнақ аяз қыспаққа алып жатса да, өрт сөндірушілер жұмысын мүлтіксіз орындауда. Оған экрандағы мына бейнежазбалар мен фотосуреттер дәлел. Күн күрт суығалы құтқару жасағына тыным жоқ. Тек Ақмола облысының өзінде бір аптада 42 өрт дерегі тіркелген. Мәселен, осыдан бірер күн бұрын Көкшетау қаласында бір тәулікте екі ғимаратты қызыл жалын шарпыған. Кеше түнде де, Шортанды ауданында екіқабатты тұрғын үйден екі рет өрт шыққан. Мамандар бет қарыған аязға қарамай, тілсіз жауды аз ғана уақыт ішінде ауыздақтап үлгерген. Абырой болғанда, зардап шеккендер жоқ.