Президент коммуналдық желілердің жұмысын реттеуді талап етті

Еліміздегі жылу және сумен қамтудағы проблемалар Президент назарында. Мемлекет басшысы өңірлердің әкімдерімен мәселені талқылады. Қасым-Жомарт Тоқаевқа Атырау, Қарағанды, Павлодар, Маңғыстау облыстарының әкімдері есеп берді. Президент апат болған учаскелердегі жағдайды шұғыл реттеп, халықты жылумен және сумен қамту ісін тез арада қалпына келтіруді және барлық елді мекендегі коммуналдық желілердің үздіксіз жұмысын жолға қоюды талап етті.