Келесі жылдың айлық есептік көрсеткіші мен ең төменгі жалақы мөлшері бекітілді

Келесі жылдың айлық есептік көрсеткіші мен ең төменгі жалақы мөлшері бекітілді. Президент тиісті заңға қол қойды. Оған сәйкес, елімізде ең төменгі жалақы 70 мың теңгеден 85 мың теңгеге өсті. Ал айлық есептік көрсеткіш 3 450 теңгеден 3 692 теңгеге ұлғайды. Сонымен бірге, базалық зейнетақы төлемі 28 215 теңге болса, зейнетақының ең төменгі мөлшері – 57 853 теңге. Ең төменгі күнкөріс деңгейі де көтерілді. Келесі жылдан бастап ол 43 407 теңгеден есептеледі.