Қарағандыда екі автобус соғылып, 5 адам жарақаттанды

Қарағандыда екі автобус соғылып қалды. Салдарынан түрлі жарақат алған 5 жолаушыға емханада көмек көрсетілді. Майқұдықтағы бағдаршамдардың бірінің маңында №56 және №44 маршруттар қақтығысқан. Алдын ала болжам бойынша бірі тежегішті басқан кезде, арттағы екіншісі екпінмен ұрған. Қазір полиция мән-жайды анықтап жатыр. Тиісті сараптамалар тағайындалып, қылмыстық іс қозғалды.

Руслан Нұрланұлы