«Менің бауырым» жобасы басталды

Балалардың құқықтарын қорғауда мектептер мен жоғары оқу орындары бірігіп жұмыс істейтін болды. Елордада «Менің бауырым» студенттік волонтерлік жобасы басталды. Жобаны іске асыру үшін оқу-ағарту министрлігі мен Ғылым және жоғары білім министрлігі екіжақты келісімге қол қойды. Еріктілер қатарына 3-5 курстарда оқитын студенттер тартылмақ. Осылайша 12 жоғары оқу орнының 1300-ден астам студенті Елорданың 171 мектебінің оқушыларына қолдау көрсетпек. Еріктілер алдымен арнайы тренингтерден өтіп, мектептерде балалармен және жасөспірімдермен жұмыс істеу жөнінде нұсқаулықтар беріледі.

Оңғар Алпысбай