Жамбыл облысында фосфор қалдығы жол салуға жұмсалады

Тараздағы тау болып үйілген фосфор қалдығы енді жол салуға жұмсалмақ. Бұл туралы Жамбылға жұмыс сапарымен барған еліміздің Экология және табиғи ресурстар министрі Ерлан Нысанбаев айтты.

Оның сөзінше фосфогипсті ауыл шаруашылығында тыңайтқыш ретінде, сондай-ақ автомобиль жолдарын салу үшін пайдалануға болады. Бүгінде бұл мақсатта 140 мың тоннасын алқапқа сеуіп, автожолға төсеп көрген. Қазір қала шетінде 16 млн тоннадан асатын фосфогипс қалдығы жатыр. Екі үйіндінің қасына енді үшіншісін іске қосу жоспарланған. Министр ауыл шаруашылығы мен жол құрылысында фосфогипсті пайдалану бойынша жұмысты жандандыруы қажет деді.

Ерлан Нысанбаев , ҚР Экология және табиғи ресурстар министрі:

Бірден бір мәселе бұл «Қазфосфаттың» қалдығы таза қалдық емес мұны қолдануға болатынын бәріміз білеміз. Биылғы жылдың өзінде 147 тонна ауыл шарушылығына қолданып жатыр. Бизнестің өкілдері осы «Қазфосфаттың» қалдығын өңдеуге ойлары бар.

Дәурен Доғдырбай