Павлодар облысында 800 дана киік мүйізі тәркіленді

Павлодардың іргесіндегі Ақсу қаласында салмағы 170 келіге жуық киік мүйізінің 800 данасын сатуға дайындап қойған тұрғын ұсталды. Гаражын тінту барысында Қызыл кітапқа енген Ақбөкеннің мүйізі сақталған 8 қорап табылды. Ол контрабандалық өнімді Астана қаласында сатып алдым деп отыр. Қазір сыбайластары іздестірілуде. Алдын ала мәліметке қарағанда, мемлекетке келтірілген шығын көлемі 2 млрд теңгеге жуықтайды.

Болат Аманбаев