Әкелер институтын дамыту министрліктің тұрақты назарында болады

Әкелер институтын дамыту Мәдениет және ақпарат министрлігінің тұрақты назарында болады. Бұл туралы вице-министр Евгений Кочетов Республикалық әкелер форумында айтты. Жиынға Өзбекстан, Қырғызстан, Тәжікстан, Түрікменстан елдерінің өкілдері, Парламент депутаттары қатысты. Форум аясында адал азаматқа тән қасиеттерді дәріптеу, салауатты өмір салтын ұстану, ерекше бала тәрбиелеудегі әкенің рөлі, баланың бойындағы қабілеттерді арттыру сынды тақырыптар талқыланды. Былтырғы форумының нәтижесінде маусымның үшінші жексенбісі Әкелер күні болып бекітілді. Бұдан бөлек «Саналы әке» деген бағдарлама қолға алынған.

Мақсұтбек Айтмағанбет, «Әкелер одағы» республикалық қоғамдық бірлестігінің төрағасы:

Әкелер кеңесі өте жақсы жұмыс істеп жатыр. Әкелер апталығын жасап жүрміз. Футбол, шахмат, волейбол, тоғызқұмалақтан турнир өтіп жатыр. Әкелер білетіндерін үйретіп жатыр біреуі қаржы жағынан, біреуі білім, заң жағынан деген сияқты.

 Аида Ахметбек