Батыс Қазақстан облысында қызылша өршіп тұр

Батыс Қазақстан облысында қызылшаға қатысты эпидемиологиялық жағдай тұрақсыз. Дерт, әсіресе, Орал қаласы мен Бөрлі ауданында өршіп тұр. Мектеп, балабақшаларда 48 баланың ауырғаны анықталды. Науқастардың дені – екпе алмағандар. Қазір ауруханада 44 науқас ем алып жатыр.

Ал Қарағанды облысында 293 адам қызылшамен ауырып жатыр. Күн сайын 10 науқас анықталады. Сырқаттанғандардың дені 4 жасқа дейінгі балалар. Олардың 85%-ы екпе салдырмаған. Қазір өңірлерде екпе салынып жатыр. Вакцина қоры жеткілікті.

Ардақ Мұратқызы