Шығыс Қазақстанда өзен-көлдердің деңгейі көтерілді

Шығыста толассыз жауған жаңбырдан Бұқтырма, Уба және Үлбі өзендерінің деңгейі көтерілді. Өскемен қаласының ортасынан ағатын Үлбі өзені соңғы үш тәулікте 80-85 сантиметрге жетті. Сондықтан осы өзеннің көпір астындағы жолайырық уақытша жабылды. Өйткені жолды су басып қалды. Жалпы өңірде өзен-көлдердің деңгейі негізінен көктемде көтеріледі. Ал биыл күзде де жаңбыр толассыз жауды.Тіпті соңғы 4 тәулікте ақ жауын болып, қала көшелері көлге айналды. Облыстағы өзен-көлдерге 64 гидробақылау бекеті орнатылған.

Олжас Керейхан