Елімізде 14,5 мыңнан астам шетелдік жұмысшы бар

Елімізде 14,5 мыңнан астам шетел азаматы жұмыс істейді. Бұл туралы Еңбек және халықты әлеуметтік қорғау министрлігі хабарлады.

Жұмысшылардың көбі Қытай, Өзбекстан, Үндістан және Түркия елдерінен келеді. Дені құрылыс саласында еңбек етіп жүр. Бас-аяғы 4887 адам. Сондай-ақ, ауыл шаруашылығында - 1637 , тау-кен саласында - 1360, өңдеу өнеркәсібінде 1219, ғылыми-техникалық қызметте 900-ге жуық адам жұмыс істейді. Министрлік жыл сайын шетел мамандарын тартуға квота бөліп отыр. Биыл елдегі жұмыс күшінің санына қарай 22 мыңнан астам адамға ел аумағында жұмыс істеуге рұқсат етілген.

Айя Мүтәлі