Республика күні қарсаңында қоғамдық тәртіп күшейтіледі

24-26 қазан аралығында еліміздің полиция қызметі күшейтілген тәртіпте жұмыс істейді. Арнайы құрам тәулік бойы кезекшілікке шығып, қоғамдық қауіпсіздікті қамтамасыз етеді. Бұл шаруаға полиция қызметкерлері мен Ұлттық ұлан әскери қызметшілерінен жалпы саны 20 мың адам жұмылдырылады.

Айдын Оразбаев, ҚР ІІМ әкімшілік полиция комитетінің аға инспекторы:

Полиция жасақтары азаматтар көп жиналатын, әрі демалатын орындарға жақындатылады. Сонымен қатар бұл орындар Жедел бақылау орталықтарының бейнекамераларымен визуалды бақылауға алынады. Жалпы Министрлік «Республика күні» азаматтардың қауіпсіздігі мен құқықтық тәртіпті қамтамасыз етуге барынша күшін салуда.

Самал Қабышева