Жаңалықтарды Telegram арнамыздан оқыңыз!Павлодарда лауазым иелері жерді заңсыз үлестірген. Олар қала аумағындағы жер телімдерін кәсіпкерлерге оңды-солды таратқан. Бұған дейін қала әкімінің орынбасары, көмекшісі және жер қатынастары бөлімінің басшысы бірінен соң бірі «пара» алу дерегі бойынша ұсталған болатын. Сондықтан сыбайлас жемқорлыққа қарсы іс-қимыл департаментінің ұсынысымен әкім орынбасары және екі бірдей бөлім басшысына қатаң сөгіс берілді.
Рүстем Тайтулеев, Сыбайлас жемқорлыққа қарсы іс–қимыл департаментінің басқарма бастығы:
-Әкімдік біздің ұсынысымызды қарау барысында бірнеше жер телімін мемлекет меншігіне қайтарды. Және де жер учаскесін беру кезінде немесе пайдалану мерзімін ұзартарда заң талабы қатаң сақталуын бақылауға алды. Ол үшін кейбір құжаттарға түзетулер енгізілді.
Болат Аманбаев
