Павлодар облысында қар тазалауға бөлінген қаржы мердігерге мерзімінен бұрын төленген

Қар тазалауға бөлінген қаржы қыс басталмай жатып қолды болды. Павлодар облысындағы Баянауыл ауданында Құндыкөл ауылының әкімшілгі коммуналдық шығынға бөлінген ақшаны таппай отыр. Себебі, бұрынғы әкім алдағы маусымдағы қар тазалау жұмыстары атқарылды деп есеп дайындап 1 млн теңгені мердігерге төлеп тастаған. Мұны сыбайлас жемқорлыққа қарсы іс қимыл департаментінің еріктілері анықтады. Тексеру енді басталмақ. Ал ауыл әкімі мамыр айында қызметінен кетіп қалыпты.

Нұргүл Қайырденова, «Әділдік жолы» РҚҚ облыстық филиал директоры:

Бұл келісімшарт бойынша осы жылдың қысқы айларына деп отыр ғой, бес ай. Бұл жерде ауылдық округтің әкімшілігімен наурыз айында бес айдың жұмысы атқарылып тасталды деген актіге қол қойылып толыққанды ақша аударылып отыр мердігерге.

Болат Аманбаев