Елордада республикалық пікірсайыс турнирі аяқталды

Елордада әртүрлі ұлт өкілдерінің қатысуымен дебаттық турнир өтті. «Ел бірлігі» деп аталатын шараға Республиканың әр түкпірінен 20 команда келді. Ойыншылар еліміздегі саяси экономикалық тақырыптарда пікір таластырды. Айта кетейік, пікірсайыс жеңімпаздары мақтау қағаздарымен марапатталып, бағалы сыйлықтарға ие болды.

Болат Бұхарбай, ұйымдастырушы:

Қазақстан халқы Ассамблеясының, ұлттық пікірсайыс федерациясының ұйымдастыруымен өткізіліп жатыр. Бір ерекшелігі 20 аймақтан жиналған жастарымыз Қазақстан Парламенті спикерінің қабылдауында болды. Жастарға Сенатта экскурсия жасалды. Сенат қабырғасында трибунасында пікір сайыс ойнап, сол тәжірибені өздері көрді.

Аида Ахметбек