Нигерияда заңсыз жұмыс істеген зауытта жарылыс болды

Нигерияда заңсыз жұмыс істеп келген мұнай өңдеу зауытында жарылыс болды. Апаттан 37 адам қаза тапқан. Қатты күйік шалған тағы 15 адам ауруханада жатыр. Бұл елде жасырын мұнай өңдеу зауыттары көп. Оқыс оқиғалар да жиі болады. Нигерия үкіметінің мәлімдеуінше, елде қылмыстық топтар тәулігіне 400 мың баррельдей мұнайды қолды қылады. Кейін ұрланған қара алтынды заңсыз зауыттарға апарып отынға айналдырады.

Арай Төлеген