Премьер-Министр Shell компаниясының директорымен мұнай-газ саласындағы мәселелер талқыланды

Премьер-Министр Әлихан Смайылов пен Shell компаниясының барлау және өндіру жөніндегі директоры Зои Юнович мұнай-газ саласындағы ынтымақтастықтың өзекті мәселелерін талқылады. Оның қатарында Қашаған және Қарашығанақ кен орындарын игеру, жаңа газ өңдеу зауыттарын салу, экологиялық заңнама нормаларын сақтау мәселелері де бар.

Кездесу қорытындысына сәйкес, тараптар өзара іс-қимылдың барлық өзекті мәселелері бойынша сындарлы диалогты жалғастыруға дайын екендіктерін атап өтті.