Мемлекет басшысы заңсыз иемденген активтерді қайтару мәселесі жөнінде кеңес өткізді

Мемлекет басшысы заңсыз иемденген активтерді қайтару мәселесі жөнінде кеңес өткізді. Онда кеңестің күн тәртібіндегі мәселе бойынша қабылданып жатқан шаралар мен бұған дейін берілген тапсырмалардың орындалу нәтижелері туралы Президентке баяндалды. Қасым-Жомарт Тоқаев әлеуметтік әділдікті қалпына келтіруге және мемлекетке қайтарылған активтерді елімізді дамыту үшін пайдалануға бағытталған бұл жұмыстың маңыздылығын атап өтіп, бірқатар нақты тапсырма берді.