Орталық сайлау комиссия жанындағы Сарапшылық кеңестің үшінші отырысы өтті

Орталық сайлау комиссия жанындағы Сарапшылық кеңестің үшінші отырысы өтті. Онда 2022 жылы өткен Президенттің кезектен тыс сайлау мен биыл мерзімінен бұрын болған Парламенттік сайлауды қадағалау жөніндегі Еуропадағы қауіпсіздік және ынтымақтастық ұйымы миссияларының есептері талқыланды. Пікірталас үзіліссіз бес сағатқа созылды. Отырысқа қатысушылар бұл жиын Қазақстанның сайлау жүйесін одан әрі жетілдіруге ықпал ететініне сенім білдірді.

Нұртай Сабильянов, ҚР Парламенті Мәжілісінің депутаты:

Халықаралық ұйымдардың айтып отырғаны, саяси бәсекелестікті қалыптастыруымыз керек. Осындай азаматтарға сайлауға қатысуға мүмкіндік беруіміз керек. Және бір айтып отырғаны, қызығы, Президенттік сайлауда білу міндеті бар. Қазақ тілінен экзамен тапсырады. Енді сол да бөгет болады деп отыр. Біз онымен келісе алмаймыз.