Жаңалықтарды Telegram арнамыздан оқыңыз!
Өз бюджетін өзі басқаратын әкімдер сайлауына 38 күн қалды. Кандидаттарды ұсыну 5 қазан күні сағат 18:00 аяқталады. Ал 10 қазанда үміткерлер сайлауалды үгіт насихат жұмыстарына кіріседі. Яғни, 24 күн бойы өз бағдарламаларын тұрғындарға насихаттайды. 4 қараша тыныштық күні. 5 қарашада халық өз таңдауын жасайды. Сайлау 42 аудан мен облыстық маңызы бар 3 қалада өтеді.
Адам құқықтары жөніндегі ұлттық орталық басшысы Салтанат Тұрсынбекова саяси науқанның жергілікті деңгейдегі қордаланған мәселелерді шешуге ықпал ететініне сенімді.
Салтанат Тұрсынбекова, ҚР Адам құқықтары жөніндегі ұлттық орталығының басшысы:
Әкімді халық сайлайтын болса, қандай деңгейде болса да, оның нәтижесі басқаша болады. Өйткені, халық жағдайын түсінетін, ең керек мәселелерін шешетін – әкім.
