Жаңалықтарды Telegram арнамыздан оқыңыз!Кеше түнде Ыстамбұлдың Арнавуткөй және Кучукчекмеже аудандарында нөсер жауыннан өзен тасып екі адам қайтыс болды. 12 адам жараланған. Қайтыс болғандардың бірі 57 жастағы әйел екені белгілі болды. Жергілікті уақытпен түнгі 12.00-ден кейін басталған қатты жауыннан төменгі қабаттағы үйлерін су басқан тұрғындар шатырларға шығып паналаған. Осындай қиын жағдайға түскен 70 адамды құтқарушылар қайықтармен қауіпсіз жерге жеткізді.
Өзен маңындағы жолдарды су басып, ондаған автокөлік су астында қалды. Сондай-ақ бір метро тармағын да су басып, бірнеше аялдама жолаушылар үшін жабылды. Құтқарушылар таң атқанша оқиға орнында жұмыс істеді. Қазір жаңбыр басылған, дегенмен метерологтар бүгін күндіз де нөсер болуы мүмкін екенін ескертті.
Айдос Әшімұлы
