Жаңалықтарды Telegram арнамыздан оқыңыз!
Бүгін 4 облыста әкім ауысты. Бұған дейін Ішкі істер министрі болған Марат Ахметжанов Ақмола облысының әкімі болып тағайындалды. Президент Әкімшілігінің Басшысы Олжас Бектенов өңір активіне жаңа аймақ басшысын таныстырды. Сондай-ақ Ақтөбе облысының әкімі де ауысты. Мәслихат депутаттарының басым дауыс беру нәтижесі бойынша бұл өңірге Асхат Шахаров әкім болды. Ал Ауыл шаруашылығы министрі болған Ербол Қарашөкеев Жамбыл облысының әкімі лауазымына тағайындалды. Жаңа өңір басшысын Премьер-Министр Әлихан Смайылов таныстырды.
Сондай-ақ, Шымкент қаласының әкімі де ауысты. Енді қаланы Ғабит Сыздықбеков басқарады. Шаһар басшысын шымкенттіктерге таныстырған Үкімет басшысы жаңа әкім алдына бірқатар міндеттер қойды.
Әлихан Смайылов, ҚР Премьер-министрі:
Бүгінде қала миллионнан астам халқы бар жетекші өнеркәсіптік және экономикалық орталықтардың бірі. Осыған байланысты тұрғындарды сапалы ауызсумен, электр және жылу қуатымен қамтамасыз ету, әлеуметтік нысандарды жаңғырту мәселелерін шешу жергілікті атқарушы биліктің алдына қойылатын басым міндеттер.
