Жаңалықтарды Telegram арнамыздан оқыңыз!
Ақтөбеде бір аптадан бері газ құю бекеттерінде ұзын-сонар кезек. Облысқа ай сайын 16 мың тонна сұйық отын қажет болса, шілдеде 10 мың тонна ғана бөлінген. Оның үстіне өңірдегі үш зауыттың жоспарлы жөндеу жұмыстарына жабылатыны хабарланды. Қазір облыста газбен жүретін 53 мыңға жуық көлік бар. Әкімдік өкілдерінің айтуынша, Шымкент газ өңдеу зауытынан 650 тонна сұйық отын бөлінген. Ол Ақтөбе облысына ай соңына қарай жеткізіледі.
Нұртай Сертаев, облыстық Энергетика және ТҮКШ басқармасы басшысының орынбасары:
Үш зауыт белгілі жұмыс көлемдерін орындайды. Бірақ сол аралықта өте ауыр жүктеме болады. Ақтөбе қаласына тәулігіне 400 тонна қажет болса, оның тек 200 тоннасы тасымалданатын болады.
