Ауыс-түйістер жалғасып жатыр: Су ресурстары және ирригация министрлігіне басшы тағайындалды

Мемлекет басшысының өкімімен Қанат Бозымбаев Президенттің кеңесшісі лауазымына тағайындалды. Ол 2021-2022 жылдары Алматы облысын басқарған.

Ал Солтүстік Қазақстан облысының әкімі болған Айдарбек Сапаров енді ауыл шаруашылығы министрі қызметін атқарады. Жаңадан құрылған Су ресурстары және ирригация министрлігінің жұмысын бұған дейін Жамбыл облысының әкімі болған Нұржан Нұржігітов жүргізсе, өнеркәсіп және құрылыс министрі лауазымына бірнеше банктің басшылық қызметінде болған Қанат Шарлапаев тағайындалды. Ұлттық банктің басшысы да ауысты. Оның төрағасы қызметін енді Тимур Сүлейменов атқарады. Ол бұған дейін Президент әкімшілігі басшысының бірінші орынбасары болған.