Жаңалықтарды Telegram арнамыздан оқыңыз!
Әлеуметтік желіні шулатып гүл ұрлағандарға қатысты тың дерек шықты. Сатушыны қайшымен қорқытқан экс-полицейдің қасындағы екінші азаматтың кім екені белгілі болды. Ол Шымкенттегі Еңбекші аудандық Мемлекеттік кірістер басқармасы басшының орынбасары болып шықты. Осы оқиғаға байланысты қызметтік тексеріс басталған.
Бұл бейнежазбаның әлемжеліні шулатқанына үшінші күн. Оқиға Шымкент қаласындағы гүл сататын дүкендердің бірінде болған. Алғашқы видеода ақ жейде киген адам үстелден қайшы алып, сатушыға тап береді. Қазір күдікті қамауда. Тәртіпке бағынбағандардың бірі экс-тәртіп сақшысы болып шыққан.
Ермахан Әбдірахманов, Шымкент қаласы полиция департаменті бастығының бірінші орынбасары:
Арыз-шағымдар түскен жоқ. Әлеуметтік желіде резонанс тудыруына байланысты бізідң тарапымыздан сондай шешім қабылданып, қазір тергеп-тексеру амалдары басталды. Қазіргі таңда ішкі істер органдарында жұмыс жасамайды.
Ал екінші видеода қара жейде киген ер адамның сатушыға күш қолданып, дүкеннен гүл алып кеткенін көруге болады. Оның қасында миығынан күліп тұрған Еңбекші ауданы Мемлекеттік кірістер басқармасы басшының орынбасары болып шықты.
Шымкент қаласындағы гүл дүкенінде болған оқиғаға қатысты әлеуметтік желіде тараған бейнежазбада құқық бұзушының қасында болған екінші тұлға Еңбекші ауданы МКБ басшысының орынбасары Д.Елқонды. Осыған байланысты, Шымкент қаласы бойынша Мемлекеттік кірістер департаменті тарапынан мән-жайларды анықтау мақсатында 10.08.2023 жылы қызметтік тергеу тағайындалды.
Енді ол азаматтың мәселесі тәртіптік комиссиясының отырысында қаралмақ. Жауапты мекеме оқиғаның қалай өрбитінін алдағы уақытта баяндаймыз деп хабарлады.
Елдос Есенбол
Елдос Есенбол
