Ақтаудағы «Каспий» су тұщыту зауытының қуаты артады

Үкімет резервінен Ақтау қаласындағы «Каспий» су тұщыту зауытын кеңейту» жобасын аяқтауға 5,08 млрд теңге қаражат бөлінді. Премьер-Министр Әлихан Смайылов тиісті қаулыға қол қойды. Жоба 2021 жылғы 22 қыркүйекте Президент қатысуымен өткен «Маңғыстау облысының әлеуметтік-экономикалық дамуы туралы» кеңестің хаттамасын орындау аясында іске асырылып отыр. Есепке сәйкес жобаны аяқтау зауытқа ауыз су өндіру көлемін тәулігіне 40 мың куб метрге дейін ұлғайтуға мүмкіндік береді. Кәсіпорынның бұрынғы өнімділігі бұдан екі есе аз болған. Облыс әкімдігінің ақпараты бойынша бүгінде құрылыс-монтаждау жұмыстары 80 пайызға орындалды.

Серік Селеубай