Нигерде азаматтық соғыс басталуы мүмкін

Еуропа елдері әскери төңкеріс болған Нигерден өз азаматтарын эвакуациялай бастады. «Би-Би-Си»-дің мәлімдеуінше, елде азаматтық соғыс оты тұтануы ықтимал. Франция алғаш болып 262 азаматын әкетті. Себебі бұрын оның отары болған Нигерде қазір Францияға қарсы шығушылар көбейген. Соңғы мәліметтерге қарағанда, бүгін ел астанасы Ниамейде жағдай біраз тынышталған.

Нигерде әскери төңкеріс шілденің 26-да болды. Әскерилер президентті биліктен аластатып, қамауға алды. Елде коменданттық сағат енгізілген. Президенттік гвардияның басшысы Абдурахман Чиани өзін елдің жаңа лидері деп жариялады.   

Арай Төлегенқызы