Канадада орман өртінің аумағы үлкейді

Канадада өртенген орман алқабының аумағы 10 млн гектарға жеткен. Бұл Исландия көлеміне тең аумақ. Елде 900-ден аса өрт ошағы тіркелді. Олардың ең көбі Британиялық Колумбия провинциясында. Жыл басынан бері 1 млн 200 мың гектардай алқап күлге айналған. Жергілікті билік өртпен күресуге Канада қарулы күштері мен өзге мемлекеттерден көмек сұрап отыр. АҚШ, Мексика, Оңтүстік Африка мен Австралия бұл елге өрт сөндірушілерін жіберді.   

Арай Төлегенқызы