Жаңалықтарды Telegram арнамыздан оқыңыз!Үндістанда толассыз нөсер жауып, тасқын жүрді. Табиғи апаттан 22 адам қаза тапқан. Көшелер өзенге айналып, ел астанасы Нью-Делиде мектептер жабылды. Тасқыннан ғибадатханалар мен көпірлерге зақым келген. Билік тұрғындарға мейілінше үйде отыру қажеттігін ескертті. Химачал-Прадеш штатының басым бөлігінде жауынның 1 айлық мөлшері түскен. Мұнда ай басынан бері қаза тапқандардың саны 72-ге жетті. Айта кетсек, Үндістанда өткен айда жаңбырлы маусым басталды. Ол қыркүйекке дейін жалғасады.
Жапонияда да, дамылсыз жауын соңы лай көшкіні мен тасқынға ұласқан. 6 адам көз жұмған. Метеорологтр жауын әлі де жаууы ықтимал екенін ескертіп отыр. Тұрғындарға лай көшкіні қайталануы мүмкін екені айтылды. Жалпы, әлемнің бірқатар елінде соңғы күндері жауын-шашын күшейген. Ғалымдар мұны климаттың өзгеруімен байланыстырып отыр.
Арай Төлеген
