Жаңалықтарды Telegram арнамыздан оқыңыз!
Қытайдың оңтүстік-батысындағы Сычуань және Чунцинь провицияларында төпелеп жауған жаңбырдан су тасып жатыр. Жергілікті ақпарат құралдарының хабарлауынша, халықты эвакуациялауға құтқарушылар бригадалары жөнелтілді. Алапат тасқыннан қалаларда талай көлік суға кеткен. Дегенмен, құрбандар туралы мәлімет түскен жоқ.
Қытайдың ауа райы агенттігінің хабарлауынша, нөсер жаңбыр Ішкі Моңғолия аймағының кей жерлерінде және Хэйлунцзян, Цзилинь, Ляонин, Юньнан, Гуанси, Гуйчжоу провинцияларында әлі жалғасады. Ал осы жаз басталғалы елде 189 өзеннің суы тасыған екен.
Арыстан Рысбек
